Malinak la'y Labi
Gapo:
Ag ta ka nalingoanan
Angga'd kauyos na bilay...
I.
Malinak la'y labi
Oras la'y mareen
Mapalpalna'y dagem
Katekep to'y linaew
Samit da'y kugip kon
Binangonan kon tampol
Lapu'd say limgas mo
Sikan sika'y amamayoen.
II.
Lalo la bilay
No sika la'y nanengneng
Napunas lan amin
So ermen ya agbibiten
No nanunotan
ko la'y samit da'y ugalim
Ag ta ka nalingoanan
Angga'd kauyos na bilay...
(Uliten so II & Gapo)
No comments:
Post a Comment